Ахцегь райондин Гъуьгъвезрин мектебда гатфарин сифте йикъар патарив гвай мулкар къацу авунин серенжемар кьиле тухунилай башламиш хьана. Идакай «Лезги газетдиз» райондин администрациядин пресс-къуллугъди хабар гузва.

Мектебдин дараматдин къваларив гвай мулкара муьтквердин къелемар цунин серенжем пландин бинедаллаз тамамарна. Мукьвара и мектебдин гьалар райондин администрациядин векилрини ахтармишна. Абуру образованидин  идарада чими ийидай централизованный къайда арадал гъун патал газ тухунин месэла веревирдна. Чкадал фейи векилри мектебдин пуд корпусдиз газдин хатасуз турбаяр тухунин план-проект туькIуьрна.

«Лезги газет»