Дуьньяда инсанар пуд къифледиз пай хьанва. Абурукай анжах сад рикIин сидкьидай Аллагьдихъ агъунва. Ахьтинбурун кьадарни амайбурулай артух я. И кардин гьакъиндай шагьидвалзавай делиларни ава. Аллагь-Таалади эбеди тир дуьньяда 7 жегьеннемни 8 женнет халкьнава. Якъин жезвайвал, женнетдиз фидайбурун кьадар артух я. Аллагь-Таалади лагьанва (мана): “Эй инсанар, куьне гьамиша гзаф ксар галай патахъ яла! Вучиз лагьайтIа, гзафбурун арадай квез гьахълувал жагъида”. Пуд лагьай къифлединбур Аллагь-Тааладихъ эсиллагь агъазвайбур туш. Астафируллагь!
Лугьун лазим я хьи, Аллагь авайвилин жигьетдай кьве рикIин хьанвайбур эсиллагь агъун тийизвайбурулай са тIимил хъсан яз гьисабзава, гьикI хьи, ахьтинбур бес кьадарда чирвал авачирвиляй чIуру фикирдал хьун мумкин я. Ахьтин фикирдал алайбуру са кьадар вахтунилай капI авун ва я маса къени къилихрин хесетар себеб хьана, Аллагь-Тааладин садвал рикIин сидкьидай тестикьар хъувун мумкин я. Абуру шариатдай чирвал къачун чарасуз я. ТахьайтIа, абур Аллагьдихъ эсиллагь агъан тийизвай кафиррин жергеда жеда.
Шариатдин ктабра къейднава хьи, Аллагьдихъ инанмиш туширбур патал Ада гьар жуьредин шейэрал вичин тIвар кхьиналди тестикьарда. ИкI, са шумуд йис идалай вилик Калукрин хуьре вичел араб чIалал Аллагь кхьенвай кIел хьана. Гьуьле авай са балугъдал, какайрал, гьайванрал, инсанрал “Аллагь” ва “Мугьаммад” лагьай гафар алаз пайда хьун сир яз амач.
Мукьвара чи кIвале юлдашди кьелечI чкал (блин) чразвайла, абурукай садал “Аллагь” кхьенвай (шикилда). Ихьтин аламатри Аллагь сад, Мугьаммад Пайгъамбарни
Рагьидин Эминов
