Сулейман-Стальский райондин умуми образованидин идарайрин 4-классра кIел­завай аялрин арада сочиненийрин-фикирар лугьунин конкурс кьиле фена, хабар гузва РД-дин образованидин ва илимдин министерстводин пресс-къуллугъди.

Конкурсдин макьсад аялрин яратмишунин бажарагъ актив­ламишун, гьакIни ихьтин бажарагъ авай аялар майдандиз акъу­дун, абур гьевесламишун я.

Аялри чпин фикирар ачухарун патал  пуд  те­ма хкянавай­: “Зи уьмуьрда виридалайни бахтлу югъ”, “Заз вуж жез кIан­зава” ва “Зи мурад”.

Конкурсда иштиракай кIвалахриз къимет са шумуд тереф­ фикирда кьуна гана, кьилди къачуртIа, тема ачухарнавай тегьердиз, фикиррин къарибвилиз, суьгьбет кьиле тухванвай къайдадиз ва савадлувилиз килигна.

Конкурсдин жюридин составдик  “ИМЦ” МКУ-дин сифте­гьан классрин сектордин  ме­тодист Марина Межидова, сифтегьан класс­рин муаллимрин ассоциациядин  руководитель Имамат Абдулмуталибова, Вини ва Кьу­лан  СтIал­рин-Къазмайрин  СОШ-рин  муаллимар Нисейханум Шихнебиева  ва Аксана Абумуслимова квай.

Конкурсдин нетижада Вини  СтIалрин-Къазмайрин умуми­ об­разованидин школада кIел­завай Ханум Эфендиевадин ярат­ми­шунрин кIвалах гъалиб хьана. Кьвед лагьай­ чка Кьулан­ СтIал­рин-Къазмайрин Р.Халикьован тIвару­нихъ галай  СОШ-дин­ ученица Камила Нурдиновади ва Алкьвадрин хуь­руьн мек­тебда кIелзавай Султан Агъафендиева кьуна. ЦIийи Макьа­рин ва Агъа СтIалрин-Къазмайрин мектебра кIел­завай Марь­ям­ Шири­нова ва Тамара Рагадинова пуд лагьай чкайриз лайихлу хьана­.

Конкурсда гъалиб хьайибуруз  райондин образованидин управленидин патай грамотаяр гана.

Чи мухбир