И йикъара Сулейман-Стальский райондин кьил Нариман Абдулмуталибова нубатдин сеферда кьилдин месэлайрин патахъай агьалияр кьабулна. Идакай «Лезги газетдиз» райадминистрациядин пресс-къуллугъди хабар гузва.

Агьалийрин месэлаяр асул гьисабдай кIвалахдал акъвазунихъ, яшайишдин хилехъ, образованидихъ, медицинадин рекьяй куьмек гунихъ, ЖКХ-дин шартIар хъсанарунихъ ва чилерихъ галаз алакъалубур тир.

Райондин кьили Кьасумхуьрелай, Агъа СтIал-Къазмайрилай, Герейханов хуьрелай, Агъа СтIалрилай, ЦIийихуьрелай, Испикрилай, Уллугъетягърилай, ЦIийи Макьарилай атай агьалийрин жуьреба-жуьре месэлайрихъ яб акална, вирибурун дердияр, мумкинвилериз килигна, гьялун хиве кьуна. Бязи месэлайриз чкадал килигна.

Санлай къачурла, райондин кьилин патав 17 агьали атана. Абуруз юридический рекьяйни лазим тир куьмек гана. Вирибурун арзаяр райондин кьили вичин гуьзчивилик кутуна.

«Лезги газет»