Миргин жинсиникай тир и гуьрчег гьайван Африкада яшамиш жезва. Гардан гзаф яргъи ва кIвачер кьакьан тирвиляй геренук гъвечIи жирафдиз тешпигь я. Адаз гьатта жирафрин жейранни лугьузва.  Геренукдин заланвал 35-далай 52 килограммдал кьван жеда. И гуьрчег, масабурулай тафаватлу гьайвандин ранг ярувал квай туракьди я. Вилерин къерехрив лацу тlехвер, крчар лагьайтIа, анжах эркек геренукдал жеда. 

И ажайиб гьайван Эфиопиядин, Сомалидин ва Танзаниядин кеферпатан мулкара яшамиш жезва. ТIуьниз абуру тарарин, кул-кусрин пешер ва таза цуьрцер ишлемишда. Жирафдин хьиз, и гьайвандин мезни мягькемди я. И жинсинин муькуь гьайванрилай тафаватлу яз, гардан гзаф яргъиди ятIани, эгер кьакьан тарарин хилерив агакь тийиз хьайитIа, геренук, кьулухъан кьве кIвачел акъвазна, тим-тик хкаж жеда.

Къвердавай тIимил жезвайвиляй и гьайван Яру ктабда гьатнава.

Гьазурайди — Куругъли Ферзалиев