Гитлеран чапхунчийри гатIунай дя­ведин ялав галукь тавур са кIвал­­­­ни амукьнач. И дяведиз Ватан хуьн патал Рутул райондин Хъуьлуьдрин хуьряйни кьве ­вишелай виниз кьегьал рухваяр фена. Хуьруьз набутар­ яз, хер-кьацI хьана ях­цIурни цIуд кас хтана. 150 аскер фронтда телеф хьа­на. Абурун арада офицерар тир Бахтияров Мегьамед, Наврузов Шихай, Мегьа­медов Рамазан, Мурадалиев Рамазан, Шахбукаев Мелик, Абасов Мирзабег, Ражабов Якьуб авай.

Гитлеран чапхунчийрин винел ЧIехи Гъалибвал къачуна 75 йис та­мам жезвай суварин гьуьрметдай хуьре хкажнавай обелиск цIийи хъийизва. Ватан хвейибурун тIва­рар мармардин къванцел атIуз­ва. Дя­ведин са иштиракчидин тIвар­ни хкат тавун патал хуьруьн администрациядин кьил Агъамирзоев Геннадина гьар са фронтовикдиз талукь делилар кIватIнава. Дя­веда чан гайи кьегьал рухвайрин тIварар хуьруьн куьчейризни ганва. Хуьруьн мектебда тешкилнавай музейда гьунарлу аскерриз кьилдин пIипI чара авунва. Алай вахтунда дяведин иштиракчийрикай хуьре амайди са Акимов Салигь я.

С.-А. Абдурашидов