16-октябрдиз Сочида чи машгьур спортсмен Мугьаммед Эминова чемпионвилин чIул хуьниз талукьарнавай нубатдин бягьс кьиле тухуда…
Какахьай единоборствойрай (ММА) бягьсер кьиле тухунал машгъул тир Россиядин виридалайни чIехи промоушендин (Fight Night Giobal) сайтда хабар ганвайвал, нубатдин акъажунра чи ватандашди вичин къуватар Роман Силагадзедихъ (Кострома) галаз ахтармишда.
Къейд авун лазим я хьи, М.Эминова икьван гагьда тухвай бягьсера 15 сеферда гъалибвал къазанмишна, анжах са сеферда ам кумукьна. Адахъ галаз бягьсиниз экъечIзавай Р.Силагадзеди 5 бягьсина гъалибвал къазанмишна, сада ам магълуб хьана.
Къуй чи халкьдин викIегь хва Сочидай гъалибвал гваз хтурай!
Рагнеда Рамалданова
