Играми ватанэгьлияр! Чна виликдай хабар гайивал, 10-октябрдиз Урусатдин жуьреба-жуьре регионра ва са жерге къецепатан уьлквейра “Лезги диктант-2021” серенжем кьиле фида. Пуд лагьай сеферда тешкилзавай и мярекатдин кьилин макьсад хайи чIал хуьн ва вилик тухун я.
РД-дин милли сиясатдин ва динрин крарин рекьяй министерстводин куьмекдалди кьиле тухузвай диктант Махачкъалада тарихдин “Россия — зи тарих” паркуна кьиле фида. Ам сятдин 3-даз гатIунда.
Чна республикадин меркезда яшамиш жезвай ватанэгьлийриз лезги чIалал диктант кхьиниз эвер гузва.
«Лезги газет»
