— Алай вахтунда малум тир гьашаратрин жуьреяр 1 миллиондилай алатнава. Алимри гьисабзавайвал, гьакъикъатда Чилел 2 миллиондилай 8 миллиондал кьван гьашаратрин жуьреяр яшамиш жезва. Ахтармишзавайбуру гьар йисуз гьашаратрин цIийи 7 агъзур жуьре дуьздал акъудзава.
— Цекверин уьмуьр тIебии шартIара тахминан са йисуз кьван давам жезва. Лабораторийра и гьашаратар гьатта 4 ва адалайни гзаф йисара яшамиш жеда.
— Таиландда хуьрекар гьазурунин карда гьашаратрикай гегьеншдиз менфят къачузва.
— ЧIулав цIицI (сверчок) адетдинди тушир жуьредин гьашарат я — адан япар вилик патан тапацдал ала.
— ЧIижерин зегьер химиядин составдин жигьетдай кислота я, хузран зегьер — щелочь.
— Чилел алай виридалайни къадим гьашаратрикай сад цегв яз гьисабзава. Виридалайни къуватлу гьашаратни цегв я — адалай вичин заланвилелай са шумуд цIуд сеферда залан затIар хкажиз алакьзава.
— Виридалайни гзаф недай, вил ичIи гьашарат къумлухдин цIицI я. Азиядинни Африкадин мулкара яшамиш жезвай и зиянкар гьашаратди гьар юкъуз вичин заланвилиз барабар ем незва.
— Къацу цIицI (стрекоза) Чилел алай виридалайни йигин гьашарат яз гьисабзава. Адалай са сятда 60 километрдин мензилдиз физ алакьда.
— Кьил са патахъ элкъуьриз алакьзавайди анжах са гьашарат я — богомол.
«Лезги газет»
