6-майдиз РД-дин Гьукуматдин Председатель Абдулмуслим Абдулмуслимова ЧIехи Гъалибвилихъ галаз алакъалу яз тешкилнавай «Гъалибвилин тIаратI» серенжем ачухуниз талукьарнавай мярекатда иштиракна.

Къейд ийин хьи, ватанпересвилин и серенжем РД-дин Кьил Сергей Меликован теклифдалди 2022-йисалай тухузва. ЦIи сифте яз ам Кеферпатан Кавказдин амай регионрани кьиле фида.

А.Абдулмуслимова вичин рахунра къейд авурвал, «Гъалибвилин тIаратIдин» машгьурвал йисалай-суз гегьенш жезва. «9-Майдин суварин къаршида чун нубатдин сеферда Сергей Меликован теклифдалди тухузвай и важиблу серенжемди санал кIватIнава. Лагьана кIанда, адан сергьятар къвердавай гьяркьуь жезва. ЦIи лагьайтIа, и серенжемдик Кеферпатан Кавказдин вири регионарни Ставрополье экечIда. ЧIехи Гъалибвилин 80 йис къейддайла, ада мадни гзаф инсанар сад ийидайдал, агуддайдал шак алач…», — лагьана республикадин премьер-министрди.

Чи мухбир