Дагъустанда коронавирусдихъ галаз алакъалу гьалар къизгъинбур яз амукьзава. Идакай ТАСС-диз хосписриз куьмекдай мергьяматлувилин “Иман” фонд арадал гъайи, ОНФ-дин “Къайгъударвилин регион” проектдин автор Анна Федермессера хабар гана.
Адан гафаралди, республикада медицинадин рекьяй пешекарар бес жезвач. Гьалар къизгъинбур хьунин себебрик мадни чкадин халкьарин милли кьетIенвилер акатзава. И кардихъ галаз алакъалу яз агьалийри тайинарнавай карантиндин къайдайрал лазим дережада амалнач. Гьа са вахтунда гьа милли кьетIенвилери Дагъустандин халкь тIугъвалдиз акси женгина сад авуна, агьалийриз азарлу хьанвайбуруз куьмекунин жигьетдай хъсандиз къайдадик квай кIвалах тешкилдай мумкинвал гана.
Федермессера къейд авурвал, республикада духтурар гьам больницайра, гьамни диагностикадин лабораторийра бес жезвачир. И месэла гьялун патал Дагъустандиз Москвадай духтурар атана, лабораторияр, госпиталар ахъайна. ТIугъвалдихъ галаз женг тухунин карда региондиз инлай кьулухъни куьмек гудайвал я.
«Лезги газет»
