Квез чидани?
. Чи планетадин къушарин вири жуьрейрин тахминан 18 процент Эквадорда ава. Дуьньядин маса уьлквейрив гекъигайла, и гъвечIи государствода къушарин жуьреяр виридалайни гзаф я.
. Лось миргер кIевиз чукурдай вахтунда акьван хаталу я хьи, ихьтин макъамда гьатта северини абуруз рехъ гуда.
. Руьц секин, хъел акат тийидайбурукай я. Гьавиляй ам регьятдаказ вердишни жеда.
. Лап чIехи анаконда 250 килограмм кьван заланвал ва 7 метрдал кьван яргъивал алай гъуьлягъ я.
. Инсанривай къерех жез алахъуналди, чIулав гьажилеглег Евразиядин тамар квай чкайра яшамиш жезва. Россияда чIулав гьажилеглегар Балтикадин гьуьлуьн мулкара, Уралда ва Кьиблепатан Сибирда гьалтда.
. Сифтегьан пеленгар кьве миллиондилайни гзаф йисар идалай вилик пайда хьанваз гьисабзава. Пешекаррин фикирдалди, пеленгар яшамиш жезвай асул чка Азиядин регион я – ина и къудратлу гьайванри уьмуьр тухун патал вири шартIар ава.
. Асландивай са сятда вини кьил 60 километрдин мензил атIудай кьван йигинвал артухариз жеда, амма ихьтин йигинвал аваз адалай анжах 90 метрдиз кьван чукуриз алакьда.
. Девекъуш дуьньяда виридалайни еке къуш я. Адавай лув гуз жезвач, амма балкIандилай йигиндиз чукуриз жеда. Девекъушдилай са сятда 70 километрдин мензилдиз чукуруз алакьзава.
. ЧIулав каймандин яргъивал 6 метрдиз кьван барабар жеда, амма гьа и еке крокодилни анакондадин къурбанддиз элкъуьн мумкин я.
. Бегемотар анжах Африкада яшамиш жезва. Виликдай абур и континентдин вири чкайра авай. Гила анжах Сахарада гьалтзава.
. Тамун адетдин къуьрер анжах векьер незвай гьайванар туш. Бязи дуьшуьшра абуру гъвечIи кьиферин якни неда.
. Япониядин къацу лиф тIимил ахтармишнавай къуш я. Абур асул гьисабдай Япониядин островра, Курилра ва Приморьеда яшамиш жезва. И къуш Россиядин Яру ктабдик кутунва, адал гъуьрч авун къадагъа я.
«Лезги газет»
