Бубайрин мисалда лугьузвайвал, вири вахтуниз килигда, вахт — са куьнизни. Ингье гадни тамамвилелди вичин ихтиярда гьатнава. Ам чуьлдин кIвалахрин къизгъин вахт я. Гьелбетда, агакьнавай гад вахтунда ва пучвилер авачиз кIватI хъувуна кIанзава. Райондин хуьруьн майишатдин карханайра, лежбервилин майишатра ва арендаторрин участокра и кIвалах виликамаз хъсандиз гьазурвилер акуналди кьиле тухузва.
ЦIийи Макьарин, Эминхуьруьн, ДаркIуш-Къазмайрин, Герейханован хуьрера гад агудна саки акьалтIарнава. Алай вахтунда Кьасумхуьруьн, Агъа СтIалрин, КIварчагърин, Кьулан СтIалрин, Курхуьруьн, Вини СтIалрин хуьрера кардик квай карханайра ва арендадин участокра гад агудунин кIвалахар давам жезва. И кардал 12 комбайн, самар туькера кьадай, пресс-подборщикар галай 13 трактор машгъул я. Юкьван гьисабдалди никIерин гьар са гектардай 26-30 центнер техил кIватI хъийизва. Самун алафни булдаказ ава. НикIерай 5000 тонндилай виниз самар кIватI хъувун планламишнава.
Хазран Кьасумов
