8 ва 9-февралдиз Босниядинни Герцеговинадин меркез Сараевода 21 йисал къведалди яшда авай жегьилрин арада Европадин Кубок патал дзюдодай акъажунар кьиле фена. Ана чи уьлкведин хкянавай командади 19 медаль къазанмишна, абурукай 5 къизилдинбур я.
И акъажунра вичин ери-бине Мегьарамдхуьряй тир, ина 2-нумрадин ДЮСШ-да тренер Садир Айвазован гъилик устадвал хкажнавай Рамин Баязова 90 кг-дал къведалди заланвал авайбурун арада гимишдин медаль къазанмишна.
Чи ватанэгьлиди спортдин кесерлу майданра устадвал къалурнавай ва агалкьунар къазанмишнавай им сад лагьай сефер туш.
Рагнеда Рамалданова
