Са шумуд югъ идалай вилик СтIал Сулейманан райондин Курхуьруьн 1-нумрадин юкьван школада, Гъалибвилин 80 йисаз бахшна, Кьиблепатан Дагъустандин спортсменрин иштираквал аваз, столдал къугъвадай теннисдай ачух турнир кьиле тухвана. Адан тешкилатчи райадминистрациядин спортдин, туризмдин ва жегьилрин крарин рекьяй комитет тир.
Къизгъиндаказ кьиле фейи къугъунрин нетижада Дербентдай тир Бакир Жалилов — 1, Фарид Набиев — 2, СтIал Сулейманан райондай тир Эшреф Муслимов 3-чкайриз лайихлу хьана. Абуруз кубокар, грамотаяр ва пулдин пишкешар гана.
Рагнеда Рамалданова
