22-февралдиз «Докъузпара район» МР-дин администрациядин дараматда райондин кьил Абдурагьим Алискерова совещание кьиле тухвана. Анал малум хьайивал, Докъузпара райондин Собранидин депутатри районда «Докъузпара райондин сейли ватанэгьли» тlвар тестикьарунин гьакъиндай къарар кьабулнава.

«Сейли ватанэгьли» тlвар райондин вилик ватанэгьлийрин лайихлувилериз, агалкьунриз килигна ва районди цуьк акъудудин ва ам абад хьунин кардик кьетlен пай кутунай,вичин краралди район уьлкведани, адалай къецени машгьур авунай гузва.

Цlийиз тестикьарнавай тlвар сифте яз РД-дин муниципальный къуллугъдин лайихлу работник, РД-дин лайихлу эцигунардайди тир Абдулкеримов Завир Шагьисмаиловичазгана. Къейд ийин, З.Абдулкеримова вичин яргъал ва бегьерлу зегьметда еке агалкьунар къазанмишнава.

Куругъли Ферзалиев