Алай йисан 7-апрелдиз Махачкъалада кардик квай Урусрин театрда федеральный телевиденийрин проектрин гъетерин иштираквал авай гегьенш концерт кьиле фида. Концертдин кьиле акъваздайди Сад лагьай каналдин «Сес» тlвар алай манийрин проектдин гъалибчи, тlвар-ван авай лезгийрин манидар Селим Алагьяров я. Мярекатда винидихъ тlвар кьунвай проектдин векилар тир Мишель Баравиди ва Илья Бардоди иштиракда.

Абурулай гъейри, тамашачийрин вилик «Фактор-А» тlвар алай манийрин проектдин финалдиз акъатай Лауритади, НТВ-дин «Вун зурба я» проектдин финалдиз акъатай Карина Исмаиловади ва «Цlийи гъед» проектдин иштиракчи Даниель Гьарунова манияр тамамарда.

Концерт кьиле тухудай Султан Трамова къейдзавайвал, а юкъуз Урусрин театрдин чlехи сегьнедал уьлкведин дережада тафаватлу хьайи манидарар экъечlда.

Куругъли Ферзалиев