Мукьвара Каспийск шегьер­да, РД-дин образованидин цент­рада, «Пусть слово доброе душу разбудит…» лишандик кваз школайра кIелзавайбурун арада тухвай Вирироссиядин яратмишунрин конкурсдин нетижаяр кьуна. Конкурс РД-дин образованидин ва илимдин минис­терстводи, РД-дин педагог­рин Ассоциацияди, «Подарим де­тям­ завтра» Мергьяматлувилин­ фон­дуни ва республикадин об­ра­зованидин центради тешкилнавай.

Ана 10-15 йисар хьанвай кIел­завайбурун арада «Поэ­зия»­ номинациядай (лезги чIал) А.Г. Саидован тIварцIихъ галай Эмин­хуьруьн юкьван школадин 4-классдин ученик Юсуф Кьасумова кхьей «Гьа и кардал бахтлу я зун» шиир (ам Хизандин йисаз талукьарнава) приз­дин 2-чкадиз лайихлу хьана.

6-сентябрдиз вичин 9 йис тамам хьун къейд авур Юсуф патал им еке агалкьун я. Адаз рес­публикадин образованидин­ ва илимдин министр Ягья Бучаеван ва педагогрин Ассоциациядин президент Анжела Байрамбеговадин къулар алай 2-дережадин диплом гана.

Юсуф Кьасумоваз и агалкьун школадин директор Рагьман Османова, директордин заместитель Румина Рамазановади ва 4-классдин регьбер Залина Исмаиловади мубаракна.

Асият  Мирзалиева