Накь «Лезги газетдин» редакциядиз ДГИ-да «Журналистика» пешедай чирвилер къачузвай студентар мугьман хьанвай. Абуруз газетдин кьилин редактор Мегьамед Ибрагьимова редакцияда сиягьат тешкилна.

Ада вичин рахунра гележегдин журналистриз «Лезги газетдин» тарихдикай, асирдин девирда адахъ хьанвай агалкьунрикай, алай вахтунда изданиди интернтедин майданра тухузвай кIвалахдикай ихтилатна.

«Лезги газет» виш йисалай артух тарих авай издание я. Тираждин кьадардал гьалтайла, ам республикадин государстводин СМИ-рин арада 1-чкадал ала. Газет акъудунилай гъейри, чна интернетдани гегьеншдиз кIвалах тухузва: «Лезги газетдин» сайт сетдин кIвенкIвечи изданийрин жергеда ава», — лагьана М.Ибрагьимова.

Ада гьакIни студентар редакцияди кьилиз акъудзавай проектриххъ галазни танишарна, абурун суалриз жавабар гана.

Сиягьат тешкилунай «Лезги газетдин» кьилевайбуруз ДГИ-дин муаллим, машгьур журналист Ханжан Къурбанова сагърай лагьана.

«Лезги газет»