Дагъустандин культурадин ва чlаларин йикъан сергьятра аваз, 17-октябрдиз Мегьарамдхуьруьн райондин мектебра тотальный диктант кьиле фена. И гьакъиндай «Лезги газетдиз» райадминистрациядин пресс-къуллугъди хабар гузва.
Хайи чlалай авай чирвилер неинки мектебра кlелзавайбуру, гьакl бязи муаллимрини ахтармишна. Диктант хайиди тир лезги чlалай кьиле тухвана. Райондин Цlийихуьруьн мектебда кlелзавайбуру лезги ва азербайжан чlаларал диктантар кхьена, гьикl хьи, тlвар кьунвай хуьре лезгийрилай гъейри азербайжанвиярни яшамиш жезва.
Кlелзавайбуру диктандив жавабдарвилелди эгечlна ва хайи чlалай чпихъ авай чирвилер къалурна.
Къейд ийин, и серенжем РД-дин милли политикадин министерстводин теклифдалди кьиле тухузва.
«Лезги газет»
