“Лезги газетдиз” Дагъустандин Кьилин пресс-къуллугъди хабар гайивал, 11-августдиз Сергей Меликова республикадин медицинадин са жерге идарайрин кьилин духтуррив цIийи махсус улакьрин куьлегар вахкана.
Къейд ийин хьи, медицинадин макьсад патал менфят къачузвай цIийи улакьар республикадиз государстводин программадин сергьятра аваз чара авунва. 27 улакь 20 шегьердинни райондин арада пайна.
2021-йисуз, санлай къачурла, Дагъустандив медицинадин хиле менфят къачудай 177 улакь агакьда. Абурун арада тади куьмекдин, духтурар начагъбур авай кIвалериз тухудай ва яргъал районрив дарманар агакьардай улакьар ава.
«Лезги газет»
