Алукьзавай  киш юкъуз, 14-августдиз, Махачкъаладин Пушкинан тIварцIихъ галай куьчеда республикадин хуьруьн майишатдин суьрсетдин мекера жеда.  Мярекат тешкилнавай  РД-дин хуьруьн майишатдин ва недай суьрсетрин министерстводи хабар гузвайвал, иниз Дагъустандин саки вири районра гьасилнавай михьи, дадлу суьрсетар гъида ва тIем акакьдай (базардинбурулай ужуз) къиметрай  маса гуда.

Шегьерэгьлийривай мекерадиз пакаман сятдин 10-далай атайтIа жеда. Министерстводин информациядин къуллугъдай чаз хабар гайивал,  республикадин хуьруьн майишатдин суьрсет гьасилзавай лежберрин зегьметдин нетижайриз килигун патал мярекатда РД-дин Кьилин везифаяр вахтуналди тамамарзавай Сергей Меликовани иштиракун гуьзлемишзава.

«Лезги газет»