Россиядин Федерациядин миллетрин крарин рекьяй агентстводи «Интернет вилик тухудай институт» АНО-дихъ галаз санал «Национальность.ру» проект гила кьвед лагьай сеферда уьмуьрдиз кечирмишзава. Адан сергьятра аваз, Россиядин мулкара яшамиш жезвай 193 миллетдикай садакай, яни гьар са халкьдин адетар ва культура кьилди-кьилди къалурзавай видеороликар арадал гъизва.
ИкI, Россиядин цIийи тревел-шоуди машгъулардай къайдада чи чIехи уьлкведин вири халкьарикай малуматар гузва, и ва маса миллетрихъ галаз танишарзава. Проект гуьрчегдаказ ва фикир желбдайвал туькIуьрнава. Адан макьсад, чи уьлкведин кьетIенвилерикай сад яз, жуьреба-жуьре миллетрин ва динрин векилар саналди, дуствилелди яшамиш жезвайди къалурун я. И проектда Россиядин гьар са региондикай кьилди-кьилди суьгьбетзава. Адан бинедаллаз Россиядин путеводитель арадал гъиз жеда. Идани, и ва я маса региондикай арадал атанвай бязи стереотипар тергна, отпуск акъуддай менфятлу ва гуьрчег чка жагъурдай мумкинвал гузва.
Къейд ийиз кIанзава хьи, тревел-шоудин архив датIана ацIузва. Адан выпускриз агъадихъ галай ссылкайрай соцсетра тамашиз жеда:
= Одноклассники — https://ok.ru/group/61675090804821
= ВКонтакте — https://vk.com/nationalityru
= RUTUBE — https://rutube.ru/channel/25309004/
= Дзен — https://dzen.ru/nationalityru
Чи мухбир
