Ахцегь районда алай вахтунда государстводин са шумуд программа кьилиз акъудзава
“Лезги газетдиз” муниципалитетдин администрациядин пресс-къуллугъди хабар гайивал, государстводин “Хуьруьн мулкар комплекснидаказ вилик тухун” программадин сергьятра аваз, районда кIелдай 120 чка авай цIийи мектеб эцигзава.
Пудратчи карханадин — “Южная строительная компания” ООО-дин векилрин гафаралди, объектдал 22 касдикай ибарат бригадади зегьмет чIугвазва, эцигунрин кIвалахрал техникадин 4 уьлчме желбнава.
Къенин юкъуз ина къецепатан ва къенепатан коммуникацияр тухвана ва образованидин идара алай мулкар аваданлу авуна акьалтIарнава. Гила лагьайтIа, устIарар ракIарар кутунин ва цлариз шир ягъунин къайгъуйрик ква.
Мектеб алай йисуз ишлемишиз вахкун фикирдиз къачунва.
Агьмед Магьмудов
