Районда кьилиз акъудзавай кьвед лагьай программа “Шегьердин къулай шартIар” тIвар алайди я. Адан сергьятра аваз дагълух Цуругърин хуьре парк аваданлу ийизва.
Муниципалитетдин администрациядин делилралди, исятда паркунин мулкарал плитка тунин, аялар патал махсус майдандин чиле резин тунин, эквер тунин ва скамейкаяр эцигунин кIвалахар акьалтIарнава. Мукьвал девирда аялрин майдан спортдин ва къугъунардай тадаракралди таъминарда, махсус жугъун чIугвада ва кул-кусар цада.
Пудратчи карханадин векилдин гафаралди, вири кIвалахар планда къалурнавай вахтар фикирда кьуна тамамарзава, проектдин 60 процент кьилиз акъуднава. Чкадин агьалийриз мукьвал тир зулуз чпин азад вахт цIийи паркуна ял ягъиз акъуддай мумкинвал жеда.
Агьмед Магьмудов
