Квез чидани?

Канадада авай Клилук вирни тIебиатдин аламатрикай сад яз гьисабиз жеда. Вирин цик натрий, кальций, магний ва маса минеральный затIар квайвиляй адаз къати рангар хас я. Гатун зегьемлу вахтунда вирин яд кьуразва ва ана кьилдин гъвечIи-гъвечIи лекъвер арадал къвезва.

Итижлу делил ам я хьи, чпик гзафни-гзаф квай химиядин элементдилай аслу яз, лекъверин рангарни жуьреба-жуьребур жезва. Гатун береда а вир цIару рух хьиз аквада. Вирин «Клилук» тIварни, чкадин индеецрин чIалай таржума авурла, «пенек-пенек хьайи, цIару» лагьай чIал я. Бязибуру а вирел ЦIару вир, масабуру Споттед-Лейк тIварарни эцигнава.

Чкадин бязи агьалийри ам пак вир яз гьисабзава. Вире са жуьрединни балугъар авач. Вирин цик дармандин такьатар кваз гьисабзава. Вир алай мулк элкъуьрна цаз алай симиналди кIевирнава. Чкадин агьалийри вирин кьар хъенчIин къапар туькIуьрунин карда ишлемишзава.

«Лезги газет»