— Бронхитдин азар авайла, ргана кузвай 100 мл некIедиз чайдин са тIуруна авай вирт ва гьакьван дуьдгъвер, чукIулдин кIвенкIвел алай хуьрекдин сода вегьена, вири сад-садак какадарна, йикъа са сеферда ичIи рикIелай, куьлуь-куьлуь хупIар ийиз, хъвада.
— Къатидаказ кьил тIазвайла, 3-4 къацу чичIекдин лацу чкаяр ргана, абурун яд хъун меслят къалурзава.
— МетIерин жалгъайра тIал авайла, чайдин са тIуруна авай кьел, сода, горчица, сирке вири сад-садак какадарна, метIеривай гуьцIна, целлофандалди кIевирна, 2 сятда тада. Ахпа чими цяй чуьхуьн хъийида. ИкI са шумудра ийида.
— Пакун тIваларин арайра тIал (межреберная невралгия) авайла, валерианадин настойка са тIимил чими авуна, адак жуна хъсандиз кьежирна, тIазвай чкадал эцигна, винелай компрессдин чарчелди ва чими шарфуналди кIевда. Са шумудра икI авурла, азарди яргъалди вичикай хабар хгудач, бязи дуьшуьшра михьиз квахьунни мумкин я.
— Кьиле кан авайла, кьил дегтярный запундай чуьхуьн гзаф хийирлу я. Адак верхи тарцин деготь гзаф ква. Ада кьиле кан хьуниз манийвал гузва.
— РикIи акъвазиз-акъвазиз кIвалахдайла, мелисса хъчадин къаришмади хъсандиз куьмек гуда. Ам икI гьазурда: хуьрекдин кьве тIуруна авай хъчарал 0,5 л ргазвай яд илична, 40 декьикьада тада. Ахпа ам куьзна, куьлуь-куьлуь хупIар ийиз, хъвада
— Къуватдай аватна, иштягь авачир лишанар гьисс авурла, жикIийринни яру рябинадин гьалима ишлемишун хийирлу я. Ам икI гьазурда: хуьрекдин 2 тIуруна авай сад-садак какадарнавай къаришмадал 0,5 л ргазвай яд илична, 7-10 декьикьада зайиф цIал ргада. Ахпа ам куьзна, йикъа 2-3 сеферда истикандин са кьатIа авайди хъвада.
— Мадни, галатун гьиссзавайла, 3-4 юкъуз экуьнахъ ва нисинихъ кIерецрин регъвенвай хвехвер, виртIедик кутуна, ишлемишун хийирлу я.
“Айболит” газетдай.
Гьазурайди — Надият Велиева
