—           Икьи ивидикай тромбар хьунин хаталувал ава. Ам кьери авун патал виридалайни михьи яд ишлемишун менфятлу я. ГьакIни иви кьери ийидай недай затIар ишлемишна кIанда. Абурук зейтундин, кушдин ягълуяр, ичерин сирке, чичIек, серг, лимон, сенжефил, чугъундур, помидоррин миже акатзава.

—           Кьил элкъвезвайла, са истиканда авай рганвай циз чайдин­ са тIуруна авай вирт ва кьве тIуруна авай ичерин сирке яна, экуь­нахъ ичIи рикIелай, фу нез са сят амайла, 10-12 юкъуз ишле­мишда.

—           Кьил къатидаказ тIазвайла, са кьил серг регъвена, шуьше­дин къапуниз вегьена, са истиканда авай михьи тавунвай набататдин ягълу илична, холодильникда эцигда. Ахпа чайдин са тIу­руна авай лимондин мижедик гьакьванни гьазур хьанвай ягълу­ какадарна, йикъа пуд сеферда, фу нез 30 декьикьа амайла, ишлемишда. Ихьтин такьатди кьилин тIал секинарда ва рикIин агаж хьанвай дамарар ачухарда.

Гьазурайди — Надият  Велиева