—           ТупIуз цаз акьахна ам акъудиз четин тир­ла, тIуб са шумуд декьикьада чими авунвай набататдин гъерида туртIа, цаз регьятдиз­ акъатда.

—           Ксудалди вилик чIутран цуькверин чай хъвайитIа, йифиз хъсан ахвар къведа. Ам икI гьазурда: хуьрекдин са тIуруна авай чIут­­ран цуькверал 1 л ргазвай яд илична, 15 де­­кьикьада тада. Ахпа ам са истикандин кьа­тIа авайди хъвада. Ихьтин чайди ратарин  кIва­­лахни хъсанарда.

—           Артрит, остеохандроз, ревматизм  азарар авайла ва жалгъаяр тIазвайла, агъадихъ галай рецептдикай менфят къачуда: 100 мл 50%-дин демиксид, 80 мл новокаин (0,25% ва я 5%), 2-3 ампула дексаметазон (аптекадай маса гузва) вири са банкадиз ичIирна, хъсандиз хуькуьрда. Ахпа и къа­риш­мадай памбагдин салфетка кьежирна, ­тIаз­вай жалгъайрал эцигна, винелай целлофан ва памбагдин пек алчудна, 30-60 декьикьада ­та­да. Ихьтин компресс тIал секин жедалди тада.

—           Ратари хъсан кIвалахун патал, ргаз­вай са литр циз 150 г кьурурнавай чIулав хутар, гьакьванни финикар вегьена, 15 декьи­кьада ргада. Ахпа ам къурна, гьар экуьнахъ ичIи рикIелай хуьрекдин 1-2 тIуруна авайди ишлемишда.

—           Иммунитет хкажун патал куьлуь авун­­вай 150 г чичIекдиз 100 мл вирт ва са литр яру чехир яна, кьве гьафтеда тада. Ахпа ам куьзна, йикъа 3-4 сеферда фу недалди ви­лик хуьрекдин са тIуруна авайди ишлемишда.

Гьазурайди — Надият  Велиева