Чилин гьар са участокдихъ ЕГРН-да къалурнавай ишлемишунин жигьетдай сад ва я са шумуд жуьреда ихтиярар аваз хьун мумкин я. МФЦ-дин пешекарри хабар гузвайвал, санлай къачурла, абур 14 категория ава: абурук хуьруьн майишат, яшамиш жедай кIвалер эцигун, промышленность, улакьар, тIебиатдин къаравулвал ва маса хилер акатзава.
Менфят къачунин жигьетдай чилин участокдин жуьре къанундалди дегишариз жезва. И кар кьилиз акъудун патал МФЦ-диз ихьтин документар гваз фена кIан жеда: арзачидин паспорт; чилин участокдин хсусиятчи тирди тестикьарзавай документ; эгер участокдихъ са шумуд сагьиб аватIа, абурун виридан разивал; чилин участок авай зонада ам ишлемишунин ихтиярар дегишардай мумкинвал аватIа чирун патал чил ишлемишунин ва анал эцигунар авунин къайдайрин выписка (МФЦ-дай къачуз жеда).
Арзадиз вацран муддатда килигзава. Месэла гьялиз жезвайди яз хьайитIа, сагьибдив цIийи делилар авай шагьадатнама ва я ЕГРН-дай выписка вахкуда.
Алава хъийизвайвал, эгер участок кирида кьунвайди ятIа, кирида вуганвайдан разивал герек жеда.
«Лезги газет»
