Россиядин вири регионра, гьа гьисабдай яз Дагъларин уьл­­­кведа­ни Кос­монавтикадин югъ къейдна. Дагъустандин техни­чес­кий университетдин радио­элек­троникадин ва био­тех­ни­ка­дин къурулушрин фа­куль­тетда «Юрий Гагарин — чи уьл­кведин тарихда» темадай эл­къвей стол кьиле тухвана.

Факультетдин декан Гуьлнара­ Къар­дашовади, 1 ва 2-курса­рин студентрихъ эл­къвена, лагьана: «Куьне ракетайринни космосдин хилез пара мукьва­ тир пешейрай чирвилер къачузва­. Эгер Юрий Гагарина­ бушлухар­ муьтIуьгъардалди, ин­сан цавун кьакьанриз хкаж хьун кьиле тефидай кар яз гьи­саб­­за­вайтIа, эхиримжи вахтара­ илим мадни виликди фенва. И жигьетдай квезни бушлухар муь­тIуьгъардай, космосдихъ галаз алакъалу илим вилик туху­дай ихтияр ва мумкинвилер ава. Абурукай менфят къачуз алахъ».

— Юрий Гагарин каинатдиз фин Советрин ва Россиядин илимдин еке агалкьун я, — лагьана физикадин кафедрадин доцент Руслан Келбиханова.- Къе бушлухра махсус станцияда Россия­дин ва маса уьлквейрин космонавтри варцар, йисар акъудзава­. Вилик мадни чIехи планар ква. Абурук куь зегьметдин пайни­ жедайвал ая, гьуьр­метлу студентар.

Жегьилри физикадин ка­фед­­­радин старший муаллимар­ тир Г. Жалиловаз ва С. Ри­за­ха­нова­диз итижлу суалар гана­. Ахпа абур Юрий Гагариназ талукь архивдин материалрихъ га­лаз таниш хьана. Эхирдай «Буш­лухриз фейи космонавт­дин ­уьмуьрдин рехъ» кинофильм­диз килигна.

Жегьилар патал мярекат ри­кIел аламукьдайди хьана.

Чи  мухбир