Украинада кьиле физвай махсус серенжемда Мегьарамдхуьруьн райондин агьали телеф хьана. Идакай “Лезги газетдиз” муниципалитетдин администрациядин пресс-къуллугъди хабар гана.
27 йис хьанвай Марат Салманова гьуьлерин пияда кьушунрин батальонда къуллугъзавай. Ам Запорожьедин областдин мулкарал кьиле фейи женгерикай сана кьегьалвилелди телеф хьана. 14-январдиз аскер вичин хайи Самур хуьре кучукна. Тазиятдин мярекатда, кьиле Фарид Агьмедов аваз, райондин администрациядин са жерге векилрини иштиракна.
“Лезги газетдин” редакциядин коллективди, Мегьарамдхуьруьн райондин администрациядин векилри Марат Саидович Салманован хизанриз, дериндай хажалат чIугуналди, башсагълугъвал гузва.
«Лезги газет»
