Квез чидани?
. Бангладеш Юкьван Азиядин гъвечIи уьлкве я. Анин умуми майдан 148460 квадратный километрдикай ибарат я. Ана 170 миллиондив агакьна агьалияр яшамиш жезва.
. Бангладешдин меркез Дакка я.
Уьлкведин Кокс-Базар пляждал 120 километрдин яргъивал ала. Яргъивилел гьалтайла, ада дуьньяда кьвед лагьай чка кьазва.
. Бангладешдин агьалийрин 98 процент бенгальвийрикай ибарат я.
. Итижлу делилрикай сад ам я хьи, уьлкведин чIехи пай гьуьлуьн дережадивай анжах са шумуд метрдин кьакьанда ава. Са жерге пешекаррин фикирдалди, гьатта гьуьлуьн дережа 1 метрдин кьванни хкаж хьайитIа, Бангладешдин мулкарин 10 процент ци батмишарда.
. И уьлкведа спортдин крикет жуьре машгьур я.
. Бангладешдин чIехи шегьеррикай тир Барисалда, тайинариз тахьанвай себебралди, ара-ара тупарай ядай хьтин ванер-сесер пайда жеда. Идахъ галаз алакъалу яз, и агьвалатдал «Барисалдин шуьшка» тIвар акьалтнава.
. 1984-йисалай Олимпиадайрин вири къугъунра иштиракзаватIани, гьелелиг Бангладешдилай гьич са медални къазанмишиз алакьнавач.
. Дакка шегьерда чкадин девлетлу агьалиди вичиз Таж-Магьалдиз тешпигь имарат эцигнава.
. Бангладешда лап къадим девирдин памятникар, артефактар ава. Абурун «яшар» 4 агъзур йисалай гзаф я лугьузва.
. Бангладешдин агьалияр кьетIен мугьманпересвилелди тафаватлу жезва. Абуру тийижир гьар са касдиз илифун теклифда. Мугьманди лагьайтIа, суфрадал эцигнавай гьар са няметдин дад акун герек я. Эгер тIуьн тавуртIа, и кар иесийриз гьуьрмет тавур мисал яз гьисабзава.
. И уьлкведа ЦIийи йис 14-апрелдиз къаршиламишзава.
«Лезги газет»
