Дагъустандин Кьил Сергей Меликова РФ-дин Совбездин Секретарь Сергей Шойгудин регьбервилик кваз кьиле фейи совещанида иштиракна. Идакай «Лезги газетдиз» РД-дин Кьилин пресс-къуллугъди хабар гана.
Нальчикда кьиле фейи совещанидин иштиракчийрин арада гьакIни СКФО-да Россиядин Президентдин патай тамам ихтиярар ганвай Векил Юрий Чайка ва округдик акатзавай субъектрин кьилер авай.
Мярекатдал веревирд авур асул месэла радикализмдин идеологиядиз аксивал авунин рекье алава серенжемар кьабулунихъ галаз алакъалу тир. Иллаки Западдин уьлквеяр Россиядин жемиятдин арада гъулгъула тваз алахънавай макъамда и месэладин важиблувал мадни артух хьанва.
Совещанидин иштиракчийри сифте нубатда акьалтзавай несилриз ватанпересвилин тербия гунин кIвалах гужлу авун, радикализмдин фикирар иллаки жегьилрин арада гегьенш хьунин себебар ва шартIар тайинарун, интернетдин майданра талукь органри тухузвай гуьзчивал артухарун герек тирди къейдна.
Гегьеншдиз РД-дин Кьилин сайтдай кIелиз жеда.
Чи мухбир
