Дагъустандин майишатра векъи алафар гьазурунин кIвала-хар куьтягь хьанва, хабар гузва РД-дин хуьруьн майишатдин ва недай суьрсетдин министерстводин пресс-къуллугъди. Санлай къачурла, республикада 1 миллионни 613 агъзурни 824 тонн (алатай йисан кьадардилай 100 агъзур тонндин гзаф) алафар гьазурнава. Абурукай 1 миллионни 466 агъзур тонн векьерал, 27,5 агъзур тонн сенаждал, тахминан 120 агъзур тонн самарал ва 4,7 агъзур тонн силосдал гьалтзава. Виридалайни гзаф алафар Къизляр (187,5 агъзур тонн) ва Хасавюрт (152,5 агъзур тонн) районрал гьалтзава.
Къейд ийин, эхиримжи йисара республикада алафрин кьадар гзафарун патал еке кIвалах тухузва. ИкI, 2016-йисан нетижайрин бинедаллаз, Дагъустанда 1 миллионни 500 агъзур тонн векъи алафар гьазурнавай, им лагьайтIа, Советрин уьлкведин вахтарин виридалайни виниз тир делилрив гекъигиз жедай кьадар я.
Чи мухбир
