Сулейман-Стальский райондин Вини СтIалрин хуьруьн клубда “Чун терроризмдиз акси я” лишандик кваз мярекат кьиле фена.
Ам клубдин заведующий Марьям Юзбеговади ачухна ва кьиле тухвана. Мярекатда райондай атанвай отставкада авай полициядин эксперт, майор Юзбег Юзбегова, прокурордин заместитель Ямудин Исмаилова, хуьруьн агъсакъалрин Советдин председатель Керим Абдулакимова, школадин музейдин директор Агьмед Шихнабиева, мектебда кIелзавай аялри иштиракна.
— Алай вахтунда арадал атанвай терроризм лугьудай тIегъуьнди ислягь агьалийрин, иллаки аялрин рикIерик къурхулувал кутазва, — лагьана Я.Исмаилова.
Мугьманри Чечняда, Буденновскда, Первомайскда, Каспийскда, Бесланда кьиле фейи вакъиайрикай, гила Сирияда авай гьалдикай, са тахсирни квачир аялар къирмишзавайдакай суьгьбетарна. Мярекатдал терроризмдиз акси шиирар кIелна.
Замир Мегьамедов