Алай йисан 3-октябрдиз РФ-дин Президент Владимир Путина Госдумадиз 282-статья кьезиларзавай закондин проект тухвана. Адал асаслу яз, Интернетдин сетдиз махсус материалар вегьезвай ва чпе экстремиствилин таблигъат авай контентар уголовный къайдада ваъ, административный жуьреда жерме ийида.
20-октябрдиз кьиле фейи Верховный суддин пленумдал дегишвилер кухтунин къарар акъудна. Дагъустанда махсус портал кардик кутунва. Сетда тахсиркарвилер хьайила, хабар гайи уях гражданриз смартфонар гузва. Сайтдикай хийир къачузвайбур 112 Rdpress адресдиз гьахьзава. Экстремиствилин таблигъат тухузвайбурун материал республикадин Минкомсвяздиз рекье твазва. Ахпа хаталувилин дережадиз килигна, МВД-дин ва ФСБ-дин управление ахармишунрин кlвалах тухуник къаришмиш жеда. Закондин къайдаяр хуьзвай къуллугъчийриз куьмек гайи ксариз жумарт савкьатар хиве кьунва: гзаф кесерлу ва тестикьарнавай ссылкаяр рекье турбуруз iPhone гузва, анжах Интернетда экстремизмдихъ галаз женг тухузвай касдиз тайинарнавай кьилин шабагьдикай хабар ганвач. Муькуьбуруз Xaomi смартфон пишкешда.
«Лезги газет»
