3-6-ноябрдиз Махачкъалада боксдай РД-дин жемиятдинни сиясатдин машгьур деятель Амучи Амутинован экуь къаматдиз бахшнавай турнир кьиле фена.
“Труд” стадиондин майдандал тешкилай акъажунра республикадин жуьреба-жуьре муниципалитетрай 85-дав агакьна спортсменри иштиракна.
Шад жедай кар ам я хьи, турнирда гъалиб хьайибурун арада СтIал Сулейманан райондин КIварчагърин хуьряй тир Агьмед Шамсудиновни авай. Ада 57 кг заланвилин категориядай кьиле тухвай вири бягьсера викIегьвал къалурна, 1-чка кьуна. Къейд ийин хьи, жегьил боксерди тренер Альберт Межидован гъилик вердишвилер къачузва.
«Лезги газет»
