СтIал Сулейманан райондин кьил Саид Темирханова РФ-дин лайихлу тренер Тельман Къурбановаз адан гъилик спортдал машгъул жезвай жегьилри мукьвара республикадин дережада аваз самбодай кьиле фейи акъажунра къазанмишнавай гъалибвилер мубаракна.
Муниципалитетдин администрациядин пресс-къуллугъди хабар гузвайвал, акъажунриз Т.Къурбанова гьазурай СтIал Сулейманан райондин командади, къазанмишай медалрин кьадардал гьалтайла, турнирда 1-чка кьуна.
Гъалиб хьайи командадиз РД-дин образованидин ва илимдин министерстводин патай кубокни 1-дережадин диплом гана.
«Лезги газет»
