12-21-октябрдиз Туьркиядин Анталья шегьерда армрестлингдай чемпионат кьиле фена. Дуьньядин 54 уьлкведин спортсменри чпин къуватар алцумна. Сулейман-Стальский райондин администрациядин пресс-къуллугъди «Лезги газетдиз» хабар гузвайвал, 75 килограммдал кьван заланвал авайбурун арада Сулейман-Стальский райондай тир Агьмад Къурбановакай чемпион хьана.
Финалда чи ватанэгьлиди Гуржистандай тир спортсмен, Европадин чемпион Иракли Зиракашвилидихъ галаз гъилерин къуватар алцумна.
Къейд ийин, Агьмад Къурбанов армрестлингдай тlвар-ван авай спортсмен, тренер Малик Тагьирбегован ученик я.
«Лезги газет»
