2025-йисуз Дагъустандин хуьруьн майишатдин хилен зегьметчийри 520 гектардин майданра цIийи багълар кутунва. И жигьетдай республикади виликди финин гьерекат инанмишвилелди давамарзава. РД-дин хуьруьн майишатдин ва недай суьрсетдин министерстводи къейдзавайвал, им регионда суьрсетдалди таъминвилин рекьяй хатасузвал мягькемарунихъ ва республикадихъ авай мумкинвилер гегьеншарунихъ къачузвай важиблу кам я.
Багъманчивилин мулкар гегьеншарунин кардик еке пай, къейдзавайвал, СтIал Сулейманан, Хасавюрт ва Ахцегь районри кутунва. Республикадин багъманчийри, адет яз, чIехи фикир виниз тир бегьерлувилин культурайриз гузва: пIинийриз, ичериз ва хутариз. Муьштерийрин патайни гьамиша и емишрин еке игьтияж ава.
Къенин йикъан делилралди, Дагъустандин мулкунал алай багъларин умуми майдан 30 агъзур гектардилай алатнава. Ида республика багъманчивилин жигьетдай уьлкведа кIвенкIвечи регионрикай садаз элкъуьрнава.
Идаради къейдзавайвал, кьетIен дамахдин гьиссер чпиз тешпигь авачир агалкьунри кутазва: Дагъустанда уьлкведин мулкунал виридалайни чIехибур тир (промышленностдин майданра) шуьмягърин, чуьхверрин ва кивидин багълар кутунва.
Амина Муслимова
