2027-йисалди Дагъустандив туризмдин хел вилик тухун патал 500 миллион манатдилай виниз пулдин такьатар агакьда. Идакай ЦУР-да кьиле фейи ачух эфирда республикадин туризмдин ва халкьдин яратмишунрин сеняткарвилерин министр Эмин Мерданова хабар гана.
«Мукьвал тир пуд йисан девирда «Туризм ва мугьманпересвал» милли проектдин сергьятра аваз, чи региондиз гьар йисуз 174 миллион манатдин пулдин такьатар чара ийида. Амма ибур гьеле тамам рекъемар туш», — къейдна министрди.
Туризмдин ва халкьдин яратмишунрин сеняткарвилерин министерстводин пресс-къуллугъдин малуматралди, пулдин такьатар туризмдин къурулуш вилик тухунин ва и хилез талукь лишанлу мярекатар тешкилунин жигьетдай карханайрихъ ва кьилдин карчийрихъ авай менфятлу проектар кьилиз акъудун патал харжда. Идалай гъейри, Дагъустандиз гьакIни модульный жуьредин мугьманханаяр эцигун патал пулдин такьатар ахъаюн мумкин я…
Чи мухбир
