Мукьвара, Калужский областдин Обнинск шегьерда кьиле фейи Общественный халкьдин фронтдин (ОНФ) жегьилрин “Рубеж” форумдин сергьятра аваз, Россиядин Президент В.Путинан тIварунихъай уьлкведин президент хкягъунин сечкийра активнидаказ иштиракай са жерге активистрив ОНФ-дин жегьилрин проектрин департаментдин руководитель Игорь Кастюкевича Чухсагъул дин чарар вахкана. Шадвилелди мадни а кар къейд ийиз кIанзава хьи, Президентди чухсагъул ммалумарай ксарин арада са дагъустанви-ОНФ-дин жегьилрин РД-да авай хилен координатор, Кьиблепатан Дагъустандин жегьилрин Союздин кьил, вичин ери-бине Сулейман-Стальский райондин КIварчагъай тир Равидин Абдурагьимовни авай.
“Гьуьрметлу Равидин Алимович! Россиядин Федерациядин Президент хкягъунин сечкийриз гьазурвал акунин ва абур кьиле тухунин карда активнидаказ иштиракунай Квез чухсагъул”, — куьрелди кхьенвай Чарче.
РикIел хкин. Равидин Абдурагьимова РФ-дин Кьилин ва Гьукуматдин Аппаратдин теклифдалди, 7-майдиз Кремлда Россиядин Президент инаугурация авуниз талукь мярекатдани иштиракнай.
Кьиблепатан Дагъустандин жегьилрин Союздин кьил, ОНФ-дин жегьилрин РД-да авай хилен координатор яз, Равидин Абдурагьимова жегьил спортсменриз, алимриз, бажарагълу жегьилриз куьмек гуниз талукьарнавай хейлин мярекатар тешкилзава. Ам “Машук”, “Умник”, “Поколение Z” ва жегьилриз талукь ихьтин хейлин маса форумринни конкурсрин лауреат я.
Рагнеда Рамалданова
