Фольклордин ва адетдин медениятдин лишандик кваз тешкилзавай международный «Дагъвияр»  фестиваль Дагъларин уьлкведин медениятдин уьмуьрда лишанлу вакъиайрикай садаз элкъвенва. РД-дин Кьилин Администрациядин телеграм-каналди хабар гузвайвал, цIи фестиваль 21-сеферда 30-июндилай 5-июлдалди кьиле фида.

Гьакъикъатдани, «Дагъвияр» фестиваль хъсан дережада аваз тешкилзава ва адахъ республикадин милли меденият патал еке важиблувални ава. Гьар йисуз ана дуьньядин жуьреба-жуьре уьлквейрай, Урусатдин регионрай цIудралди яратмишдайбурун коллективри иштиракзава. ЦIи фестивалдин майданди Азербайжандин, Белоруссиядин, Монголиядин, Кьиблепатан Осетиядин, Урусатдин (Донецкдин ва Луганскдин Халкьдин Республикаярни кваз) фольклордин 50-далай виниз коллективар санал кIватIда.

Фестивалдин сергьятра аваз ашукьрин манийрин сувар, циркинин искусстводин сегьнеяр, фольклордин коллективрин концертар, Дагъустандин халкьдин шаир Р.Гьамзатован 100 йисан юбилейдиз талукьарнавай ва са жерге маса мярекатар кьиле фида.

Чи мухбир