Дербентдин экономикадин ва праводин колледждин МЧС-дин отделенидин 2-курсуна кIелзавай 17 йисан яшда авай студент Анар Алипханов вичин таяр-туьшерин арада неинки кIелунра лап хъсан агалкьунар къазанмишуналди, гьакIни чIехи гележег авай бажарагълу спортсмен хьизни машгьур я.

Колледжда, шегьерда ва республикадин дережадани кьиле физвай спортдин жуьреба-жуьре акъажунра иштиракуналди, ада гьар сеферда кIвенкIвечи чкаяр кьазва, вичиз тарсар гузвай муаллимар, колледждин вири коллектив шадарзава.
Алай йисан июлдин вацра Махачкъалада яшар 18 йисав агакьзавай (адалай артух тушиз) жаванрин арада Вирироссиядин кIвенкIвечивал къазанмишун патал боксдай кьиле фейи акъажунра иштиракуналди, 17 йиса авай жаван Анар Алипханова вичихъ галаз бягьсиниз экъечIай вири спортсменрал гъалиб хьуналди, боксдин рекьяй Россиядин спортдин мастервилин тIвар къазанмишна. Россиядин спортдин рекьяй министрдин приказдалди жаван боксердив шад гьалара сад лагьай дережадин медални вахкана.

Нариман Къарибов