РД-дин Гьукуматдин Председателдин заместитель Рамазан Жафарова сад тир «112» нумрадин куьмекдалди тади гьалда серенжемар кьабулдай къуллугъриз эвер гунин къурулуш еримлу авунин месэлайриз талукь конференцияда иштиракна.
Махачкъалада Ситуационный центрада кьиле фейи мярекатда РФ-дин 14 субъектдин векилри, Дагъустан Республикадин «112» нумрадин къурулушдихъ галаз информациядин жигьетдай алакъалувилелди кIвалахзавай пешекарри, «ИСТОК-СМ» махсус программа туькIуьрайбуру иштиракна.
Конференция ачухай Р. Жафарова «112» нумрадин къурулуш нетижалудаказ кардик хьун гьар са регион патал гзаф важиблу месэла тирди къейдна. Ада тади махсус къуллугъри тади гьалара серенжемар кьабулунин жигьетдай «112» нумрадин къурулушди вахт кьенятзавайдакай, зиянар тIимиларзавайдакай, кьилинди, муракаб гьалара акIай инсанриз куьмекдай мумкинвал гузвайдакай ихтилатна.
«Гьавиляй за 112-къурулуш еримлу авун, цIийи хъувун ва ватандашрин яшайиш таъминарун патал вири везифаяр тамамарун гзаф важиблу яз гьисабзава», — лагьана Р. Жафарова.
Конференциядикай гегьеншдиз РД-дин Гьукуматдин сайтдай кIелиз жеда.
«Лезги газет»
