Заз 1990-йисара  Къалажухрин хуьре муаллимвал авун кьисмет хьана. Ина  коллективдик акатайла, артух ва гегьенш  чирвилерин  шеле гвайди Ишреф муаллим  тирдан гъавурда  зун гьасятда гьатна.  Ам вич дамах гвачир, жергедин  ин­сан я. Адан чирвилерин сергьят гьам эдебиятдай, гьам тарихдай  ­ге­гьенш тирди  за  кьатIузвай. Чи арада яр­гъалди суьгьбетарни хьанай.  Ги­ла за  фикирзавайвал и дагъви хци вичин уьмуьрдин чешнедалди, лайихлувилин хесетралди тамам са “инкъилаб” тешкилзава.  ГьикI хьи, а касди ­вичин тамам  чирвал авай яшинда гьар са кар дуьз чкадал эцигна, къвезвай несилриз  чеш­не къачудай еке мумкинвилер га­на. РикIел алама: 1990-йисара Къа­­лажухрин хуьруьн юкьван  мектебдикай “Лезги газетда” “Чирвилер къвердавай кьулу-кьулухъ жез­ва…” макъала чапнай. Ишреф муаллимди а вахтунда русвагьвилин тIал вири вичел къачунай же­ди?! Ада ла­гьа­на: “Ша, гадаяр, кIва­лахин…”

Ишреф Примович Жаватов  1939-йисуз Къалажухрин хуьре дидедиз хьана. Хайи хуьруьн 7 йисан мектебда кIелна, 1957-йисуз Миграгърин юкьван школа акьал­тIа­рай  жегьил Дагъустандин  пед­институт­дин тарихдинни филологиядин фа­культетдиз гьахьна. КIел­­­­завай йи­са­ра Ишреф  Жаватов универси­тетдин профкомдин, халкьдин гуьгьуьллу дружинадин член яз хьа­на. Университет акьал­тIарай Иш­реф Примович хайи хуьруьз хта­на. Ина ада 13 йисуз завучивиле кIвалахна, гуманитарный дисциплинайрин секциядин кьиле акъвазна. Гьа са вахтунда ада хайи хуьруьн Ильичан тIва­рунихъ галай колхоздин комсомолдин тешкилатдин регьбервални авуна. 1964-1990-йисара И.Жаватов  КПСС-дин  Ахцегь райкомдин пропагандистни тир. КПРФ-дин  ветеран 1965- йисалай КПСС-дин членни я. Намуслу ва гьахълу, адалатлу кас хьуниз­ килигна, Ишреф Примович  Ахцегь райондин ОВД-дин инспекторвиле тайинарна. Идалай гъейри Ишреф муаллим “Лезги газет”, “Эренлардин сес” газетрин штатдик квачир мухбирни я. Ада и газетра  маналу ма­къалаяр, акьуллу ке­лимаяр, тарихдиз талукь чIу­кар, вакъиаяр чапзава. Абур кIелза­вай­буру хушдиз кьа­булзава. Ишреф му­аллим РФ-дин журналистрин Со­юздин член я. Адан  яратмишунрин ла­йих­лувилер “Лезги газетдин” редколлегияди Ме­гьамед Гьажиеван премия гуналди, маса ша­багь­рал­­ди къейднава. Ам Россиядин Фе­де­рациядин умуми образованидин  Гьуьрметлу  работник я. Ишреф Примовича До­къуз­пара райондин агалкьунрик ва ам виликди фи­ник кутунвай пай ла­йихлуди я. Хуьруьн кьил яз, ада рай­ондин Собранидин председателвилин, адан за­­местителвилин къуллугъарни та­мамарна. Ша, гила яратмишнавай ирсиниз тамашин:

  1. “Къалажух хуьруьн тарих”.
  2. “Лезгийрин камаллу ихтилатар”.
  3. “Лезги ва урус чIалан мягькем ибарайрин гафарган”.
  4. “Мектеб. Школа ва тербия…”

Ишреф Примович Жаватован  ри­кIик мадни еке мурадар ква жеди. Гьавиляй  чна чи къелемдин юлдашдиз, сирдашдиз, амадагдиз чандин мягькем сагъламвал, яратмишунрин рекье  цIийи  агалкьунар хьун алхишзава.

Шагьбала Шагьбалаев

ОСТАВЬТЕ ОТВЕТ

Войти с помощью: 
Пожалуйста введите ваш комментарий!
Введите ваше имя