Лезги халкьдихъ чпин эсеррикай уьмуьрда менфят хкуддай, несилар тербияламишдай гзаф кьадар шаирар  ва гьикаятчияр хьана. Абурун жергеда  Кьуьчхуьр Саидни ава.

Кьурагьрин 2-нумрадин юкьван школада, кьиле лезги чIа­лан­ни литературадин  тежрибалу муаллим Исаева Тамара аваз, 9-10-11-классрин аялри Кьуьчхуьр Саидан 250 йис тамам хьуниз талукьарнавай еке мярекат кьиле тухвана. Аниз райондин культурадин работникриз ва ма­са мугьманриз теклифнавай.

Мярекат Тамара Исаевади кIватI хьанвайбур вичи гьазурнавай видеороликрин ва шикилрин монтаждин куьмекдалди шаирдин уьмуьрдин рекьихъ, адан тухумдин хилерихъ галаз та­ни­шарна. Гуьгъуьнлай 9-10-класс­рин аялри устаддаказ Саи­дан шиирар хуралай кIелна.

Мярекатдал 11-классдин аялри шаирдин пашман кьисметдикай гьазурнавай сегьнеди  еке мешреб  гъана.

Мярекат Садуллагь ТIаи­бова Кьуьчхуьр Саидан чIалариз туь­кIуьрнавай манияр тамамаруналди акьалтIарна.

Ж.Бутаева,
Кьурагьрин 2-нумрадин юкьван школадин муаллим