Махачкъала шегьерда авай Россиядин ОГИБДД-дин пропагандадин инспектор, полициядин старший лейтенант Р.Д.Гафизова хабар гайивал, автобусра аваз тухузвай пассажиррин хаталувал хуьн, гьакIни юридический ксари ва кьилдин карчийри законди истемишзавайвал рекьера, гьерекатунин къайдайрал амал авун гуьзчивилик кутун патал Махачкъала шегьерда 2017-йисан 11 июлдилай 24-июлдалди “Автобус — законсуздаказ пассажирар тухун” профилактикадин серенжем кьиле фида.
И серенжемдин сергьятра аваз Махачкъала шегьерда авай Россиядин ОГИБДД-дин УМВД-дин къуллугъчийри рекьера къайдаяр чIурунин ва законсуздаказ пассажирар тухунин делилар винел акъудда ва абурун вилик пад кьада.
Идалайни гъейри, абуру транспортдин технический гьал ва ихтияр гузвай документар, страховка ва рекьерин чарар (путевой лист) гвани-гвачни ахтармишда.