7-июлдиз Докъузпара райондин администрациядин заседанийрин залда райондин собранидин депутатрин 15-сессия кьиле фена. Сессиядин кlвалахда цlийиз тайинарнавай РД-дин хуьруьн майишатдин ва недай суьрсетдин министр Керимхан Абасова РД-дин Халкьдин Собранидин, бюджетдин, финансрин ва налогрин рекьяй комитетдин председатель Сейфулагь Исакьова, “Ахцегь район” МР-дин кьил Осман Абдулкеримова, Дагъустандин Огни шегьерда кардик квай ПТУ-дин директор Акимхан Абасова, Докъузпара райондин прокурор Мисбагь Назирова,  Докъузпара райондин кьилин заместитель Абдурагьим Алискерова, депутатри, райондин тешкилатриннни идарайрин жавабдар ксари ва масабуру иштиракна. Сессия райондин собранидин депутатрин председатель Агьмед Агьмедова ачухна ва кьилени тухвана. 7-июлдиз Докъузпара райондин администрациядин заседанийрин залда райондин собранидин депутатрин 15-сессия кьиле фена. Сессиядин кlвалахда цlийиз тайинарнавай РД-дин хуьруьн майишатдин ва недай суьрсетдин министр Керимхан Абасова РД-дин Халкьдин Собранидин, бюджетдин, финансрин ва налогрин рекьяй комитетдин председатель Сейфулагь Исакьова, “Ахцегь район” МР-дин кьил Осман Абдулкеримова, Дагъустандин Огни шегьерда кардик квай ПТУ-дин директор Акимхан Абасова, Докъузпара райондин прокурор Мисбагь Назирова,  Докъузпара райондин кьилин заместитель Абдурагьим Алискерова, депутатри, райондин тешкилатриннни идарайрин жавабдар ксари ва масабуру иштиракна. Сессия райондин собранидин депутатрин председатель Агьмед Агьмедова ачухна ва кьилени тухвана. Нубатдин сессиядал агъадихъ галай  месэлайриз килигна: 1. “Докъузпара район” муниципальный райондин кьилин везифаяр вахтуналди тамамардайди хкягъунин гьакъиндай. 2. Жуьреба-жуьре месэлаяр.  Райондин собранидин депутатрин председатель А.Агьмедова малумарайвал, РД-дин Кьил Рамазан Гьажимурадович Абдулатипован 2017-йисан 6-июлдин 156-нумрадин Указдалди Докъузпара райондин кьил Керимхан Саидагьмедович Абасов РД-дин хуьруьн майишатдин ва недай суьрсетдин министрдин къуллугъдал тайинарнава. Райондин активди, сессиядин вири иштиракчийри Керимхан Абасоваз чlехи къуллугъдал тайинарунихъ галаз алакъалу яз тебрикдин гафар лагьана. “Гьуьрметлу  районэгьлияр, райондин актив! И йисара захъ галаз санал кlвалахай вири ксариз,  гьакlни  райондин  гьар са агьалидиз сагърай лугьузва за. Район патал гележегдани алакьдай куьмекар гуда, чна санал кlвалахда”, — лагьана РД-дин хуьруьн майишатдин ва недай суьрсетдин министр Керимхан Абасова. Докъузпара райондин кьил Керимхан Абасов министрдин къуллугъдал тайинарунихъ галаз алакъалу яз, сессиядал райондин депутатри мад сеферда хкя хъийидай муниципальный райондин кьил къуллугъдив эгечlдалди, 2017-йисан 7-июлдилай “Докъузпара район” МР-дин кьилин везифаяр вахтуналди тамамардайдан къуллугъдал Абдурагьим Мирзежанович Алискеров рейсадвилелди тайинарна.

Куругъли ФЕРЗАЛИЕВ